Misteriozko thrillerraren zantzuak dauzan narratiba historiko honek, frankista eta naziei aurre eginaz espioitza lanetan ibili ziran andra euskal herritarrak ditu protagonista.
1937 eta 1943 urte tartea sasoi nahasia izan zan, lehenengo Espainiako Gerra Zibila eta jarraian II. Mundu Gerrea etorri ziralarik. Ehunka mila gizon lubakietan, itsasoan eta airean alkar hilten eta bitartean, beste hainbeste kartzeletan. Garai hareetan, andrak espetxeetara joiazan neba eta senarrak bisitetan eta bide batez, kartzeletan mezu klandestinoak sartu eta handik ateraten hasi ziran. Hortik garatu zan Alava espioitza sarea, aliadu frantses eta britainiarrei erregimen frankistearen eta haren aliadu aleman eta italiarren inguruko informazinoa pasetako.
