Bizkai Buru Batzarrak eskerrak emon deutsaz Intxaurragari alkate izan dan atzen zazpi urteetan eta zinegotzi izandako aurreko zortziretan egindako lanagaitik. 57 urteko Alberto Intxaurragak Arteako agintaldi honetako kargua “mugarri nagusietako bat bete ondoren: Ailarak-Musiktopa Arte eta Ondarerako Zentro Garaikide barria abian jarri ondoren” itxi dauala dinoe prensa ohar baten.
Ainare Sanchezek hartuko dau bere lekua. 52 urteko irakaslea da, eta gaur egun udalerriko bigarren zinegotzia. Behin-behinean hartuko dau alkatetza, harik eta Uri Buru Batzarrak agintaldiaren gainerako urterako alkate-kargua beteko dauan persona izentau arte. “Persona horrek Artea personengan, bizi-kalidadean eta bizi-proiektuen garapenean oinarritutako udalerri hobe bihurtzeko aurreikusitako ekimenak beteten jarraituko dau” gehitu dabe.