Lehenengo final-laurdena hilaren 6an, barikua, jokatu zan Berrizko Hiltegixe Gaztetxean eta bertan, Arteako Iradi Barrenetxeak finalaurrekora sailkatutea lortu eban Aitor Tatiegi oñatiarragaz batera.
7an, zapatua, Besaingo Gaztetxean bigarren final-laurdena jokatu zan eta bertan Sugar Gesalaga eta Eli Zalduak lortu eben finalerdietarako sailkapena.
Lehenengo final-laurden biak jokatuta, hurrengo biak Garaziko gaztetxean hilaren 20an eta Txantreako Maiatzak 1 Gaztetxean hilaren 21ean jokatuko dira. Antolatzaileek igaz azaldu eben "Gaztetxeen inguruan dabizan belaunaldi barriak bertsozaletzea edo bertsoaganako gertutasuna sentiduarazotea" topetan dabela, baita "bertsozalea dan edo bertso-munduan dabilan jenteak gaztetxeakanako eta politikeaganako gertutasuna sentidutea" be.