Domeka honetan, eguerdiko 12:30etik aurrera, hainbat musika talde desbardin egongo dira Arteako Herriko Bentan. Ekimen hau, Basauriko Zutarri Kultur Elkarteak eta Durango eta Kobane (Kurdistan) urien senidetasunetik jaiotako alkartea dan Suargik, Arteako Herriko Bentagaz batera, munduko musikariak ekarriko ditue Arteara. Ekimena Mugarik gabe: musika Palestinaren alde izenpeko ekimen kulturala da. Guztira, zazpi kontzertutaz gozatu ahalko da, kultura eta mundu ulerkera anitzak buztartuz. Arteako Herriko Bentan egongo diran taldeak honeek dira: Nadt Orchesta (Italia), La Basu (Euskal Herria), Naturaleza Suprema (Kolonbia), Roisin El Cherif eta Nora Casey (Palestina eta Irlanda), James Kennedy (Gales), Seyidxan Sevinç (Kurdistan) eta Huartan (Irlanda) izango dira.
Ekimen honegaz bat eginez, Suargik, Sarrionandia eta poeta kurdu baten posia liburu bat eta Mugarik gabe: musika, erresistentzia eta elkartasun bidaia bat dokumentala aurkeztuko dauz Durangoko Azokan.