Arteako Udalak etorkizuneko Artea guztien artean egiteko intenzinoz, tailer parte-hartzailea antolatu dau zemendiaren 11n iluntzeko 19:00etan. Hau dala-ta, tailerrean hiru proiektu desbardin landuko dira: Plazea barriro pentsetea eta umeen parkea lekuz aldatutea, Astuibekoko kale zatia norabide bakarrekoa egitea eta eskolea eta medikuetxe aurreko bidea seguruagoa egitea. Hiru honeetako bat da hurrengo urtean gauzatuko dana. Proiektu honeek kostu finkoa daukie eta dirulaguntzen menpe dagoz; horrek esan gura dau, urte bakotxean proiektu bakarra egin ahalko dala, finantzaketa publikoaren arabera.