Hilaren 20an izango da aurtengo Merkartea jaia baina Artea baserri giroan sartzean hasiko da oingo zapatutik, hilak 13. Izan be, Arteako III. Artzai Txakurren Lehiaketea egongo da jokoan. Txapelketea 17:45ean hasiko da Garai auzoko landetan, hau da, Batzokiaren ondoan.
Mikel Pagazaurtundua Bizkaiko txapeldun lemoaztarra bertan egongo da Lay txakurragaz eta besteak Inaxio Irakulis etxanotarra, Beltz txakurragaz; Bittor Begoetxea galdakarra, Pupigaz; Manuel Gorriti aizarnazabalarra, Izarregaz; J.R. Askargorta galdakarra, Bategaz; eta Pello Segurola matxinbentarra, Kaigaz, izango dira.