Aprilaren 6an, domekea, Arteako udabarri sasoiko merkadua egingo da Arteako plazan Gorbeialde Landa Garapena alkarteak antolatuta. Inguruko ekoizleak eta artisauak egongo dira, 10:00etan hasi eta 14:00etara arte, euren produktu eta artisautza lanak saltzean. Betiko lez, erosketa bakotxagaz tokiko produktu-loteen zozketan parte hartzeako zenbakiak jasoko ditue erosleek.
Postuotan Janire Goikuriaren ogi eta euskal pastelak, Jagoba Galarzaren denporaldiko barazkiak, Txaramelaren pasta ekologikoa, La Txika de la Cervezaren garagardaoak eta Agerriaren pateak egongo dira. Artisauak be bost izango dira: Kanpolen eskulanak, Torontileren arropea, Harri Koskorren poltsa eta motxilak eta bitxiak, Platinela zein Bitxik-enak.
Azokeaz gainera, 11:30etik aurrera, Euskaraldian izena emoteko postutxoa be egongo da plazan. Gainera, liztor asiarraren eta honeek harrapetako tranpen gainean informetako postua be ipiniko dau Maider Lejarretak.