Arteako Irakurleen Txokoan, eleberri bat lantzean da hilean-hilean, Alaine Agirre idazleak bideratutako saioetan. Oingoan, Agirrek Joyce Carol Oates idazle estatubatuarraren obra bat dakar literaturzaleakaz solasaldia egiteko: Bortxaketa. Amodiozko istorio bat. 2003an argitaratutako obra hau, 2024an ekarri eban euskerara Xabier Olarrak.
Saio hau martiaren 7an zan egitekoa baina Alaine Agirreren osasun arazo bat zala-ta, atzeratu egin zan. Beraz gaur, hilak 21, 19:00etan egingo da atzenean Irakurleen Txokoko saioa.
Sinopsia
Garagarrilaren 4a da Niagara Fallsen, New York estaduan. Jai eguna. Hobe Teena Maguirek etxera itzultzeko lasterbidea hartu izan ez baleu. Talde-bortxaketa baten biktima suertatu da parkeko txalupategian. Handik aurrera, bizirik atera izanaz damu da. Bethie alabak, berriz, ia ezin dau haurtzaroa gogoratu beldur-ikara barik. Identifikautako gazteak euren etxetik oso hur bizi dira, auzokoak dira ia.