Barikuan, hilak 24, 19:00etan, Patxi Zubizarreta idazlea izango da Arteako Kultur Etxean eta 2023an Zubikarai Saria jasotako Loak ezkutatzen duena eleberria izango dau berbagai, Arteako Irakurleen Txokoko saio honetara hurreratutakoakaz batera.
Patxi Zubizarreta (Ordizia, 1964), batez be Haur eta Gazte Literaturan da ezaguna, lau bider irabazi daualako modalidade honetako Euskadi Saria. 1998an, Gizon izandako mutila lanagaz; 2006an, Pantaleon badoa liburuagaz; 2010ean, Xia Tenzinen bidaia miragarriagaz eta 2019an, Korri, korri, korri lanagaz.
Sinopsia
Loak ezkutatzen duena insomnioari buruzko erreportaje bat balitz moduan hasten da kontakizuna, baina laster, detektibe nobela bihurtzen da misterio eta guzti, funtsean gure gizartearen diagnostiko gordina egiteko. Horregaz batera, amodiozko eleberri baten kutsua be hartzean dau, bere zita, sedukzino eta maite jolasakaz.