Arteako Herriko Benta gune sozialak urte bi egin ditu martxan, taberna eta jatetxea migratzaileen harrera sarerako zerbitzuan ipinten. Holan, urteurren jaia ospatuko da gaur, hilak 3, arrastiz. Hasteko, 17:00etan Irati Bediaga egongo da herriko txikerrenakaz, ipuin kontaketan. Gero, iluntzetik aurrera egongo da musikarako tartea.
Holan, 20:00etan DKaikiya artistaren eskutik, musika arabiarra zuzenean egongo da entzungai. Gauerako ostera, 00:00etatik aurrera, KimoSoundz dj euskaldunak ipiniko dau musika jantzagarria ordu txikietan.