2022ko aurrekontuak egiteko prozesua urri bigarrenaren 22an hasi zan. Udaletxeko Ogasun Batzordea batu eta erabagi ebezan aurrekontuetan herritarrek parte hartzeako moduak. Atzo, hilak 2, egin zan herritarrakaz batzar informatiboa, ekarpenak zelan egin eta aurrekontuen informazinoa jakitera emoteko.
Oin, herritarren ideak jasoko dauz Udalak zemendiaren 19ra arte. Honetarako idatzi bat prestatu eta udaletxera eroan beharko dabe arteaztarrek. Beste bide bat idatzia emailez bialtzea da, alkatetza.artea@bizkaia.org helbidera.
Espero da hilaren 22an egitea batzar informatiboa, alderdi politikoakaz. Gero, Ogasun Batzordearen lana izango da abenduaren 10ean behin-behineko aurrekontuak aurkeztea, honeek abenduaren 17ko ez-ohiko bilkuran bozkatuko dabez udaletxean.