Nafarroa erdi eta hegoaldeko ekoizleen produktuakaz osotutako hiru saski mota eskainiko dira eta saski bakotxaren balioaren % 25a Nafarroako euskalgintzako eragileak (Agerraldia, AEK, Ikastolak eta Sortzen) indartzeko erabiliko da.
Saskiotan orioak, ardaoak, zainzuri-, piper- eta alkatxofa- potoak, pasta eta gozokiak eta bestelango produktuak saltzean dira, zuzenean ekoizleengandik konsumitzailera. Izan be, Errigora Nafarroa erdi eta hegoaldeko nekazari, ekoizle, euskaltzale eta konsumitzaileen sare anitza da, euskerea ofiziala ez dan zonaldean eragin gura dauana. Horretarako, eremu horreetakoak diran elikagaiak Euskal Herri osoan zabalduten dira auzolanean; euskeratik, euskerara eta euskeraz.
Errigoraren dokumentala
Eguenean, hilaren 29an, 18:30ean, Errigoraren Sustraitik espaziora dokumentalaren proiekzinoa izango da Areatzako Udaleko Areto Nagusian, AEK-ko Berbalagunek antolatuta. Ostean, produktuen dastaketea egingo da.