Hogetaseigarren urtez, Ondarearen Europako Jardunaldietako ekintzakaz beteta dator urri bigarrena Bizkaian. Aurten, “Gure eskuetan” lelopean egingo da hurreko ondarea ezetuarazoteko ekimena, ondarearen jarraipena gure esku dagoala gogorarazo eta ekintzara pasetako deiadarra eginaz.
Bizkaia mailan, 200 erakunde eta eragileren lanari esker, 200 jarduera baino gehiago antolatu dira eta ondareabizkaia.eus webgunean dago informazino guztia.
ARTEA
Urri bigarrenak 10, zapatua
· 18:30ean, Ailarak Musiktopan: ARTEA ETA GORBEIAKO GURUTZEA: ONDAREA, NORTASUNA ETA MEMORIA (gazteleraz). Iñaki Garcia Uribe Gorbeiako ikertzaileak Arteak eta kurutzeak daukien loturatik abiatuta, kurutzearen 125. urteurrena omenduteko argazki-erakusketa eta berbaldia egingo dau. Izen-emotea: 94 673 92 05 telefonoan.
AREATZA
Urri bigarrenak 11, domekea
· 12:00etan, udaletxeko arkupean: GURE ONDAREA BIZIBERRITZEN. Jesus Muñiz Petralanda ondarearen ikertzailearen eskutik, bisitea egingo da Errukiñe 2ko etxebizitza mudejarrera eta Gortazar jauregira. Gazteleraz urri bigarrenaren 18an egingo da bisitea, 12:00etan. Izen-emotea: 94 673 90 10 edo areatzakoudala.areatza@bizkaia.org.
ZEANURI
Urri bigarrenak 11, domekea
· 10:30ean, Saldropon: SALDROPO HEZEGUNEA (gazteleraz). Ibilbide gidatua egingo da, hezegune eta inguruko flora eta faunea ezetuteko bai eta ingurune naturalaren kontserbazinoa bermatuteko jarduerak ezetuteko be; Pilar Barraqueta eta Conrado Tejado naturalistakaz. Izen-emotea: 94 673 92 79 edo gorbeia.parke.naturala@bizkaia.eus.