Igazko denporaldian Arratia Ako fitxa eukien bost jokalarik ez dabe segiduko. Amaiur Artetxe Eibarrek fitxau dau eta eta Lucia Pascualek Tenerifeko talde baten jokatuko dau. June Uriartek, Olatz Areitiok eta Andrea Martinek futbola itxi dabe. Arratiak sei jokalari barri ditu; Bizkerre taldetik etorritako Malen Olañeta, Sestao Riverretik etorritako Izaro Martin atezaina, 24-25 denporaldian Arratian jokatu eban eta igaz Alaves B taldean ibili zan Ainhize Antolin bueltau da. Athletic B taldeko Olatz Beitiak eta Athletic Ctik etorritako Laiene Etxezarragak be Arratian jokatuko dabe. Arratiak Sara Schramm jokalari alemaniarra be fitxau dau; ikasketak Deustun egingo dituan jokalaria. Bko fitxa eukiko daben Yara Macho eta Paule Monrealek be A taldeagaz egingo dabe aurredenporaldia. Denporaldia urri lehenengoaren lehen astegoienean hasiko dabe.
Jokalariak bakarrik ez, entrenatzaile barria be badauka Arratiak, Sestao Riverretik etorritako Mario Quintasek zuzenduko dau Igorreko taldea. Igaz entrenatzaile izandako Jon Gonzalez "Peli" andrazkoen talde nagusien koordinadorea izango da.
Jokalariak: Joana San Andres, Izaro Martin, Nerea Beitia, Maialen Cocó, Saki Okabayashi, Malen Olañeta, Ainhize Antolin, Olatz Beitia, Laiene Etxezarraga, Yara Macho, Paule Monreal, Irati Artaraz, Irune Egiguren, Nerea Izagirre, Ane Monton, Alba del Hoyo, Naroa Lejarza, Iradi Iturriaga, Ariane Blasco, Itsaso Kumi, Olaitz Arroyo, Amaia Altzaga eta Sara Schramm.