Andrazkoen Arratia B taldeak atzenean Euskal Ligan jokatuko dau datorren denporaldian. Hiru talderen artean jokatutako igoera promozinoan bigarren gelditu bazan be, 3. RFEF mailan parte-hartzaileen kopurua handitu izanak eragindako aldaketen ondorioz lortu dau mailaz igotea.
Hasikera baten, Intxaurdiren kontrako promozinoko bigarren partidua 0-2 galduta, Arratia B Euskal Ligara igoteko ateetan geratu zan. Halanda be, 3. RFEF mailako laugarren taldean parte-hartzaileen kopurua handitu izanak plaza bi sortu ditu Euskal Ligan. Horren ondorioz, eta Euskal Ligara igoteko fasea bigarren postuan amaitu ebalako, Euskal Futbol Federazinoak Arratia B taldeari hutsune horreetako bat beteteko eskubidea emon deutso.
Holan, Arratiako andrazkoen futbolak urte historikoa biribildu dau. Izan be, Arratia Ak 2. RFEF mailara igotea lortu dau eta Arratia Bk Euskal Ligara.