Aurreko urteetan moduan, bederatzigarren edizino honetan Kurkuluxetan Kultur Elkarteko antzerki eskolako kideen laguntzea izan dabe antzezlan originalak sortu, entseguak egin eta taularatuteko.
Saioak bagilaren 3an, 4an eta 8an egingo dira Igorreko Kultur Etxeko Lasarte Aretoan, 17:30etik aurrera. Lehenengo egunean, Arteako ikasleen Inazio erregea eta Lemoakoen Auzokideak antzezlanak egongo dira ikusgai; hurrengo egunean Igorreko eskolaumeen Harri zopa, Areatzakoen Piraten akademia eta Lemoakoen Zelako gaztelua.
Bagilaren 8an barriz, Igorreko umeek Txinako harresia, Arteakoek Herri galdua eta Lemoakoek Koadro beltzaren lapurreta taularatuko dabez.