Ertzaintzak gaur bertan konfirmau deutso BEGITUri Arratiko Zekorrak Rugby Taldearen kontrako salaketak 132ra igon dirala atzen egunetan. Horreek guztiak atestau berean ikertzen dabiz, Segurtasun Sailak jakinarazo dauanez, iruzur delitu bat egin ote daben argitzeko.
BEGITU Unai Zuluaga Arratiko Zekorren presidenteagaz kontaktuan ipini da baina, abogaduen gomendioz, prozesu judiziala dala-ta, ez dau adierazpenik egin.
Beste alde batetik, komunikadu instituzional batean, Olatz Urkiza buru daukan Udalak adierazo eban "biziki" sentiduten dauala herriko errugbi klubari lotutako loteriaren sariak ez ordainduteagaitik kaltetuek bizi daben egoerea eta gai hau ahalik eta arinen argitu eta konpondu ahal izatea espero dabela.