Edizino honetan, astero eduki-sortzaile batek gidatuko dau lehiaketea, bideo-proposamenak egin eta gero, parte-hartzaileek bideoak euren estilora sortu eta sareetan partekatuteko. Aprilaren 17ra arte dago parte hartzeako epea zabalik eta baldintza bakarrak, 14 urtetik gorakoak izatea eta bideoak euskeraz sortzea da.
Bideoak proposatuko dabezan eragile digitalek euren sareetan egingo dabez proposamenak eta gainera, sorkuntzarako aholkuak emongo ditue. Eurak izango dira astero banatuko diran FNACen gastetako 100 euroko opari-txartelak nortzuek irabaziko dabezan ebatziko dabenak.
“BZ Sarea”, aurrerapausu bat gehiago
Aurtengo barrikuntza nagusietako bat “BZ Sarea” izeneko kategoria da. 17 urtetik gorakoentzat izango da, eta sari berezia izango dau: hurrengo edizinoan eduki-sortzaile moduan kontratu profesionala eskuratzeko aukerea, FNACen gastetako 100 euroko opari-txartelaz gainera.