Txapelketa hau, urtero, Floridako Hollywood uriko Hollywood Beach-en ospatuten dan wallball txapelketea da eta bertan, Floridako bikoteak Estatu Batuetako eta munduko beste herrialde batzutako bikoteen kontra jokatuten dabe. Finala New Yorkeko Brian Duran eta Michael De Crescenzok osotutako bikotean aurka 21-18 irabazi ostean, aurtengo edizinoko garrikoak Arratiara ekartea lortu dabe Ziarrusta dimoztarrak eta Beldarrain arteaztarrak.
Beldarrainek BEGITUri adierazo deutso, txapelketa hau aspalditik euki dabela euren egutegian markauta denporaldia amaituteko dauan torneorik garrantzitsuena dalako eta, garaipen honegaz, euren helburua bete dabela.