Korrika Atharratzetik (Zuberoa) martiaren 19an urten eta 29an Bilbon amaituko da, 2.175 kilometroko ibilbidea egin ostean. Arratiara bariku goizez sartuko da, Bediatik Zeanuriraino, eta Ubidetik urtengo da Murgiarantza. Guztira, 3.436 lekuko-hartze aurreikusi dira edizino honetan.
Ibilbide horren bueltan, herrietako antolaketa landuteko batzorde zabalak egingo dira:
· Lemoan, hilaren 27an, martitzena, 19:00etan, Kotxepinen.
· Igorren, 29an, eguena, 19:00etan, Kubulu Euskaltegian.
· Artean, 29an, eguena, 18:00etan, Kultur Etxean.
· Zeberion, 30ean, barikua, 18:00etan, erabilera anitzeko gelan.
Batzorde horreetan Korrikaren harrerea, ekintzak eta laguntzaileak koordinetako aukerak aztertuko dira. Antolatzaileek herritar, alkarte eta talde guztiei parte hartzeako deia egin deutsee, euskerearen aldeko ekimen erraldoia eskualdean ahalik eta bizi eta ikusgarrien egiteko.