Zemendiaren 28tik hasi eta 30era arte, ekintzak egongo dira herrietan Euskerearen Eguna dala-ta. Hori holan, lehenango ekintzea gaur izango da Zeberion. Arrastiko 18:30ean, bostOK! bakarrizketak euskeraz egongo dira Plazako Ermita Zaharrean. Zapatuan, Ubiden izango da bigarren ekintzea, eta arrastiko 18:00etan hasiko da. Tartean Teatroaren Txizatoki bat eszenatokian, antzezlana antzeztuko da. Hurrengo ekintzak domekan egingo dira Arantzazu, Areatza eta Diman. Arantzazuri jagokonean, domekan goizeko 12:00etan, txapa eta banderola tailerrak egongo dira, eta honen ostean, bizikletea hartu eta herritik bueltea egingo dabe. Arrastirako be badago plana Arantzazun: 17:00etan, Central Park-eko heroiak pelikulea emitiduko da Kultur Gunean. Areatzan be, egitaraua goizez hasiko da, 12:30ean. Bertan, Areatzako III. Argazki Lehiaketaren sari banaketea egongo da, udaletxeko Pleno Aretoan. 18:00etan, Akelarre: marearen kontra dokumentala ikusi ahalko da udaletxean eta Juanmna Labandibar Akelarreko kide izandakoa bertan egongo da. Diman, astegoien honetarako mendi tontorretako buzoiak egiteko urtekerea egoan iragarrita baina eguraldiaren iragarpena dala-ta bertan behera gelditu da ekintza.