Arratiako Udalen Mankomunitatean aurtengo kurtsoan be ipiniko dau martxan Belaunaldien Arteko Denboraren Bankua. Ekimen honek lankidetza eta babes komunitarioko eredua dauka oinarri eta gazteen eta adinekoen artean zerbitzuak, ezagutzak eta trebetasunak alkarbanatzeko helburua dauka. Holan, jarduera desbardinen bitartez belaunaldien arteko harremanak eta alkartasuna sendotu, eta bakotxaren ezagutza eta gaitasunei balioa emotea topetan da.
Aurtengo kurtsoko aurkezpena urri bigarrenaren 28an, martitzena, egingo da Lemoako Kotxepin Kultur Etxean, 18:30ean. Bertan ekimena aurkeztuteaz eta ikasturtean zehar egingo danaren azalpenak emoteaz gainera, lankidetzea hasteko tailerra egingo da, tote bag-ak margoztuteko tailerra hain zuzen be. Harremanetan ipinteko 688 766 302 telefonoa eta denboraren-bankua@arratia.eus helbidea emon dauz mankomunidadeak.