Atzo korridu ziran Arratiako Maratoi Txikiaren berrogeta laugarren edizinoko lasterketa desbardinak eta umeek eta euren familiek Igorreko eskola eta inguruetan sortu eben giroaz gainera, Zeanuritik Igorrerako bidea korrikalariz bete zan. Zeanuritik urten zan hamaika kilometroko lasterketea eta Arteatik urtendakoa, zazpi kilometrokoa, izan ziran lehiatutekoak. Youness Assehli eta Nerea Pujana izan ziran garaile nagusiak eta Arteakoan, Xeber Murua eta Ariane Cano.
Hamaika kilometroko lasterketako gizonezkoen podiuma Youness Assehlik (35:13), pasau dan urteko irabazlea izan zan Mikel Gilek (36:21) eta Iñigo Praderak (37:04) osotu eben; andrazkoena barriz Nerea Pujanak (46:39), Nerea Canok (47:43) eta Onintze Petralandak (50:51). Arteatik urtendakoan barriz, hiru gizonezkoak Xeber Murua (24:13), Unax Delgado (24:28) eta Beñat Goikoetxea (25:10) izan ziran. Andrazko arinenak ostera Ariane Cano (27:28), Ane Etxeberria (32:33) eta Malen Nuñez del Blanco (32:33) izan ziran.
Horrezaz gainera, lasterketa nagusian aitamen berezia jaso eben Aitor Intxaurraga eta Ainhoa Rodriguezek, beteranoen artean arinenak izateagaitik.