Lemoako Harrobi taldeak domeka goizean jokatu eban Arlonagusian Berriatuko taldearen kontra eta garaipen itzela lortu eban 6-0 irabazita. 28 jardunaldiren ostean 33 puntu ditu Lemoako Harrobik eta hamahirugarren postuan dago. Datorren partidua etxetik kanpo jokatuko dau Moraza A taldearen kontra aprilaren 13an, goizeko 11:30ean.
Arratia
Gizonezkoen Arratia A taldeak zapatu arrastian jokatu eban Urbietan Otxarkoaga A taldearen kontra eta 2-1 irabazi eban. Lehen gola Diego Faulin igorreztarrak sartu eban 29. minutuan eta bigarrena Jon Ordeñanak 47. minutuan, bilbotarren gola 77. minutuan heldu zan. 28 jardunaldiren ostean 44 puntu ditu Arratia Ak eta zazpigarren postuan dago. Datorren partidua etxetik kanpo jokatuko dau bigarren postuan dagoan Amorebieta B taldearen kontra aprilaren 12an, arrastiko 15:45ean.
Gizonezkoen Arratia B taldeak zapatu arrastian jokatu eban Urbietan Artibai taldearen kontra eta 0-1 galdu eban. Partiduko gol bakarri bigarren zatiko 71. minutuan heldu zan. 28 jardunaldiren ostean 35 puntu ditu Arratia Bk eta hamaikagarren postuan dago. Datorren partidua etxetik kanpo jokatuko dau Berriatuko taldearen kontra aprilaren 12an, arrastiko 17:00etan.
Andrazkoen Arratia A eta B taldeek atsedena euki dabe joandako astegoienean. Arratia Ak atzen postuan dagoan Racing B taldearen kontra jokatuko dau datorren partidua hilaren 13an, eguerdiko 12:30ean eta Arratia B taldeak Uritarra taldearen kontra jokatuko dau Urbietan hilaren 12an, arrastiko 15:30ean.