Lemoako eskolako datuen faltan, Arratia eta Zeberioko ikastetxe publikoetako irakasleen %79,5ek egin eban greba, batez beste aprilaren 1 eta 2an. Aurreko greba egunetan baino irakasle gehiagok egin dabe greba egunotan; izan be, porzentajerik txikien eukien ikastetxeetan, gehiago izan dira grebara batu diran irakasleak oingoan.
Zeberion eta Zeanurin irakasle guztiek egin eben greba egun bietan eta gitxieneko zerbitzuak baino ez ziran egon. Artean, aprilaren 1ean, irakasleen %95ek egin eban greba eta hurrengo egunean, guztiek %100ek. Dimako eskolan barriz, hilaren 1ean %92k egin eban greba eta hurrengo egunean %77k. Igorreko eskolan, %70ek lehenengo egunean eta %75ek bigarrenean eta Areatzako eskolan, eguen bietan %50 inguruk. Institutuan irakasleen %52k egin eben greba egun bietan.
Areatza, Artea, Dima, Igorre, Lemoa eta Zeanuriko guraso alkarteek deitutako elkarretaratzea be egin zan Igorren, kalidadezko hezkuntza publikoa eskatuteko, “gurasook, irakasleakaz batera, lehen lerroan jartzeko hautua egin dogu, gure seme-alaben eskubideak eta guztion etorkizuna dagoz jokoan!”.