Ekin Eraikuntzak Arratiko Zekorrak taldeak martiaren 29an jokatu eben ligako partidua San Txismen, Universitario Bilbao Rugby taldearen kontra. Partidua ez zan bape ondo joan arratiarrentzako, 5-41 galdu eben eta. Ekaitz Duñabeitia entrenatzaileak kontau dauanez, bilbotarrek "talde oso potentea ekarri eben" Igorrera eta defentsan ahal izan ebena egin eben arren, ez ziran gai izan Bilbokoak geratuteko gai.
Atzen hamabostaldian 2. mailako Euskal Liga Seniorreko partidu bi jokatu ditu Ekin Eraikuntzak Arratiko Zekorrak taldeak baina ez dau punturik lortu. Holan, sailkapenean bederatzigarren postuan dagoz arratiarrak hamasei puntugaz. Halanda be, jardunaldi biren faltan badaukie postu pare bat aurrera egiteko aukerea. Izan be, datorren partidua Zaisa Txingudi taldearen kontra jokatuko dabe, hilaren 5ean; honeek zortzigarren dira hamazazpi puntugaz. Ligako atzen partidua barriz, Gesalaga Okelan Gipuzkoa Sortzen-en kontra jokatuko dabe, seigarrenak 21 puntugaz.