Gizonezkoen Arratia A taldeak zapatu arrastian jokatu eban Mungia A taldearen kontra Urbietan eta bana bardindu eban. Arratiarrak aurreratu ziran 52. minutuan Alex Etxebarria igorreztarraren gol bateri esker baina 12 minuturen faltan kanpokoen gola heldu zan. 27 jardunaldiren ostean 41 puntu ditu Arratia Ak eta zortzigarren postuan dago. Datorren partidua etxean jokatuko dau Otxarkoaga A taldearen kontra aprilaren 5ean, arrastiko 18:00etan.
Gizonezkoen Arratia B taldeak zapatu arrastian jokatu eban etxetik kanpo Loiu A taldearen kontra eta 1-3 irabazi eban. Arratiarrak aurreratu ziran Aimar Iturrondobeitia dimoztarrak 30. minutuan sartutako golagaz. Bigarren zatiko hasikeran etxekoek partidua bardintzea lortu eben baina Iraitz Durana dimoztarrak eta barriro Iturrondobeitiak sartutako golek 1-3koa ipini eben markagailuan. 27 jardunaldiren ostean 35 puntu ditu Arratia Bk eta hamaikagarren postuan dago. Datorren partidua etxean jokatuko dau Artibai taldearen kontra aprilaren 5ean, arrastiko 15:30ean.
Andrazkoen Arratia A taldeak zapatu arrastian jokatu eban etxean Añorga taldearen kontra eta 0-1 galdu eban. Arratiarren atzen partiduetako bolada ona amaitu zan zapatuan, egundoko aukerea zan lehen hiru postuetan kokatzeko baina huts egin eben; gainera, aurreko partiduan bigarren dagoan Athletic C taldea 1-4 irabaztetik etozan. 26 jardunaldiren ostean eta ligea amaituteko lau partiduren faltan Arratia Ak 50 puntu ditu eta laugarren postuan dago, postu honek balizko igoera promozinoa jokatzeko balioko leuke. Datorren partidua aprilaren 13an, eguerdiko 12:30ean Santanderren jokatuko dau Arratia Ak atzen postuan dagoan Racing B taldearen kontra.
Andrazkoen Arratia B taldeak domeka eguerdian jokatu eban Derio A taldearen kontra eta 4-1 irabazi eban. Lehen gola atsedenaldirako gitxi falta zala Iratxe Bernaola arteaztarrak sartu eban. Bigarren zatiko ordu laurdena beteterakoan arratiarrek gola sartu eben bere atean eta banakoak igon eban markagailura, baina hurrengo minutuan Uxue Aurtenetxek bi eta batekoa sartu eban. Hirugarren gola Alaitz Zelestino dimoztarrak sartu eban, 26 golegaz kategoriako pitxitxia danak eta atzen gola Bernaolak egin eban 90. minutuan. 22 jardunaldiren ostean 37 puntu ditu Arratia Bk eta bosgarren postuan dago. Datorren jardunaldia aprilaren 12-13ko astegoienean jokatuko dau Arratia Bk lehen astegoienean deskantsua daukalako.
Lemoako Harrobi
Bariku arrastian jokatu eban Lemoako Harrobik Markinan Artibai taldearen kontra eta husna bardindu eban. 27 jardunaldiren ostean 30 puntu ditu Lemoako Harrobik eta hamahirugarren postuan dago sailkapenean. Datorren partidua Arlonagusian jokatuko dau Berriatuko taldearen kontra, aprilaren 6an, goizeko 11:30ean.
Lemoa Harrobi Futbol Klubak datorren denporaldiari begira klubera batu gura diran ume guztiei izena-emoteko aukerea zabaldu deutse. Aprilean hasiko da kluba izena emoten dabenakaz probak egiten. Izena emoteko edo informazinoa jasoteko telefono honetara jo behar da: 690 190 738. 2018, 2019 eta 2020an jaiotakoek emon daikie izena eta taldeak mistoak izango dira.