Euskaraldia, euskerearen erabilerea handitzea eta hizkuntza ohiturak aldatzea helburu daukan 11 eguneko ariketa soziala, maiatzaren 15etik 25era izango da aurten. Izan be, Euskaraldiak, euskerea ulertuten daben guztiakaz euskeraz egitea proponiduten dau, euskerea gehiago, gehiagotan eta jente gehiagogaz erabilteko.
Txapak
Ahobizi edo belarriprest txapek adierazoko deutsie aurren dagoanari, zein dan txapadunak hartu dauan konpromisoa. Hau da, ahobizi txapea daroenek lehenengo berbea beti euskeraz egiteko konpromisoa eta besteak ulertuten badau, euskeraz jarraituteko.
Belarriprest txapea daroenek, barriz, beti ez dabe euskeraz egingo ulertuten daben guztiakaz, baina euskerea dakienek berari euskeraz egitea gura dauala adierazoten dabe txapeagaz.