Gizonezkoen Arratia A taldeak bariku gauean jokatu eban urteko atzen partidua Urbietan Galea A taldearen kontra eta 1-2 gakdu eban. Partiduko 18. minutuan aurreratu ziran arratiarrak Edorta Ormazabal billaroztarraren gol bategaz baina lehen zatia amaitu orduko kanpotarrak 1-2 ipini ziran. Bigarren zatian ez zan markagailua mobidu. 14 jardunaldiren ostean 25 puntu ditu Arratia Ak eta igoera postuetatik kanpo dago, laugarren postuan. Datorren partidua urtaileko lehen astegoienean jokatuko dau etxetik kanpo bere aurretik dagoan Gernika Sporting A taldearen kontra.
Gionezkoen Arratia B taldeak zapatu arrastian jokatu eban Urbietan Ermua A taldearen kontra eta 3-1 irabazi eban. Lehen zatiko golak Jokin Goti zeanuriztarrak eta Ibon Agirretxe artaaztarrak sartu ebezan eta bigarren zatiko gola Iker Olibares zenauriztarrak sartu eban. 14 jardunaldiren ostean 20 puntu ditu Arratia Bk eta bederatzigarren postuan dago. Datorren partidua urtaileko lehen astegoienean jokatuko dau etxetik kanpo Montefuerte A taldearen kontra.
Andrazkoen A taldeak ez dau jokatu joandako astegoienean eta ligako hurrengo partidua etxetik kanpo jokatuko dau Berriozar talde nafarraren kontra urtailaren 11-12ko astegoienean.
Andrazkoen Arratia B taldeak zapatu eguerdian jokatu eban Larrabetzun Uritarra taldearen kontra eta 3-1 galdu eban. Etxekoak 2-0 aurreratu izran lehen zatian eta bigarren zatia hasi eta lehen minutuan Alaitz Zelestino dimoztarrak sartutako golak 2 eta 1ekoa ipini eban arren, 3-1 galdu eban Igorreko taldeak. Hamaika jardunaldiren ostean 18 puntu ditu Arratia Bk eta bosgarren postuan dago. Datorren partidua urtaileko lehen astegoienean jokatuko dau etxetik kanpo Ariz A taldearen kontra.
Lemoako Harrobi
Lemoako Harrobi taldeak bariku gauean jokatu eban urteko atzen partidua Montefuerte A taldearen kontra Arlonagusian eta bana bardindu eban. Kanpokoak hartu eben aurrea baina 26. minutuan Xanti Kortak sartutako golak partidua bardindu eban. 14 jardunaldiren ostean 14 puntu ditu Lemoako taldeak eta hamalaugarren postuan dago. Datorren partidua urtailaren 4an jokatuko dau etxetik kanpo Orozkoko Atxulaur A taldearen kontra, arrastiko 17:00etan.