MG taldearen oinordekoa dan Arratians rock eta reggae taldeak abesti barri bi argitaratu ditu, Pantx Records kolektiboagaz batera. Ez Zuk, Ez Nik eta Arrastaka-Tarras dira abestien izenak eta honeen letrak, "arratieraz" kantetan ditue. Aimar (bajua), Bixer (bateria), Jon Velasco (gitarrea), Erica (saxoa eta txirula), Gordon (tekladua) eta Berna Bam Bam Krash dira taldea osotuten daben musikariak.
Singlearen A aldean, Ez Zuk, Ez Nik izeneko kantua dago. Orduak aurrera joan ahala, ligatzeko esperantzeak zelan egiten dauan iges, kontetan dau. B aldean, Arrastaka-Tarras izenburua daukan kanta. Barikua da eta protagonistea tabernan dago lagunen zain, Varela tabernariari kainak etenbarik eskatzen. Amaieran taberna batetik bestera tarras ibiliko da edozein tabernazulotan bere desioa topatzeko itxaropena galduta.