Abenduaren 5etik 8ra egingo da aurtengo Durangoko Azoka, berrogeta hemeretzigarren edizinoa hain zuzen be. Egitarauaren barruan kontzertuak be badagoz eta zapatuan batez be, gaueko jai giroa egongo da Durangon. Holan, Arratiako Udalen Mankomunitateak ebatzi dau aurten be gaueko autobusa ipintea, parrandazaleak etxera segurtasunez ailegau ahal izan dagien.
Autobusa zapatuan urtetan diranentzako izango da eta Durangotik Lemoara trenean joan ostean, arratiarrek Lemoako estazino aurrekaldean izango dabe autobusa itxoten, goizaldeko 03:00etan eta 05:00etan. Autobusak Igorre, Dima, Arantzazu, Artea, Areatza eta Zeanurira eroango ditu gautxoriak, doban.