Ekin Eraikuntzak Arratiko Zekorrak taldeak zapatuan, hilak 23, jokatu eban San Txismen 2024--2025 Euskal Liga Senior 2. Maila ligako laugarren partidua, Gaztedi Rugby Talde gasteiztarraren kontra. Zekorrak irabazten hasi ziran eta partidu osoan markagailuan aurretik joan baziran be, gasteiztarrek atzen hamar minutuetan emon eutseen bueltea partiduari, 19-24 amaitu zalarik.
"Partiduaren lehenengo zatia ondo joan zan, irabazten hasi ginan eta partidu polita izan zan ikusleentzako", azaldu dau Ekaitz Duñabeitia entrenatzaileak. Atsedenaldira, 19-5 irabazten heldu ziran zekorrak baina aurkariek, "intensidade handiagaz" ekin eutseen bigarren zatiari. Holan, azkenean bueltea emon eutseen markagailuari.
Datorren partidua oingo zapatuan, hilak 30, jokatuko dau Arratiko Zekorrak taldeak Bilbao Universitario Rugbyren kontra, Rekaldeko kiroldegian 16:00etan.