Lemoa
Lemoako lehiaketan, edonork parte hartu leike. Partaide bakotxak argazki bakarra aurkeztu ahal dau, eta argazkia, gitxienez 3MB-ekoa eta horizontala izango da. Saritutako argazkiak egutegian argitaratuko dira, eta opari bana jasoko dabe egileek. Sari banaketea abenduan izango da. Egilearen izen-abizenak, helbidea, telefono zenbakia eta argazkia ateratako lekua eta data jakinarazo behar dira argazkia kultura@lemoa.eus helbidera bialtzeaz batera.
Areatza
Areatzako Lehiaketan parte hartzeako be, ez da bertan bizi behar, edonork hartu leike parte. Egutegirako aukeratutako argazkien egileek be oparitxo bana jasoko dabe. Sari banaketea Euskerearen Eguneko egitarauaren barruan egingo da. Areatzako Udalak aitatu gura dau saritutako argazkiak Udalaren jaubetzakoak izango dirala. Argazkiak https://labur.eus/1Es0Y loturara igon behar dira eta horizontalak izan behar dira.
Arantzazu
Egutegia egiteko Arantzazuko Argazki Lehiaketearen gaia, Arantzazuko etxeak dira. Argazkiak, zemendiaren 1era arte bialdu daitekez idazkaritza.arantzazu@bizkaia.org helbidera, hiru gehienez horizontalak eta formatu digitalean. Zemendiaren 11tik 22ra argazkiak egongo dira ikusgai liburutegian, jenteak botoa emon dagian. Lehenengo hirurek saria izango dabe.