Bagilaren 15ean, izango da Arratiako eleizak, aurten Areatzako parrokiak, antolatutako Urkiolara errogatibea. Aurtengo errogatibeak “jarri egizuez zuen dohaiak besteen zerbitzura” hartu dau goiburu eta gai hau, eleiztarrek urtean zehar landu dabela dino Karlos Olabarri Igorreko abadeak. Guztira 200 lagun inguru espero dabela azaldu deutso BEGITUri abadeak; 40 inguru oinez eta gainontzekoak autobusez joango diranak.
Urkiolara oinez joango diran erromesak, 07:00etan urtengo dira Igorreko errotondatik eta Dimako plazatik; Zeanuritik ostera, 07:30ean, Urkiolara 11:00etako mezarako heldu ahal izateko. Urkiolako santutegian mezea entzun eta barauskarria egongo da, Eingo taldearen musikeagaz girotuta.