Azkue Fundazioaren eta Iametza enpresaren eskutik ipini da abian Memeka, hamabost eta hamazortzi urte bitarteko memezaleentzako lehiaketea. Plataforma digitaletan gazteek euskerearen erabilera aktiboa buztartuteko helburua dauka lehiaketeak, beti be, "modu dibertigarri eta erakargarrian".
Lana errazteko, memeka.eus plataforma zabaldu da. Plataformea euskerazko memeen sorkuntzea errazteko dago diseinauta. Erabiltzaileek irudi garbiak eskuratu eta bertan, gura dan testua txertatu ahal izateko. Gero, plataforma beraren bitartez aurkeztu daiteke bakotxaren memea, aprilaren 21era arte.
Ostean, bozkaketea zabalduko da, aprilaren 24tik maiatzaren 2ra arte. Saridun bi egongo dira: webgunean bozka gehien lortzen dituan memearen egileak 200 euro jasoko ditu eta Memeka-ko sare sozialetan like gehien lortu dauzanak, 150 euro. Saritutako memeakaz serigrafiautako kamisetak be jasoko dabez irabazleek.