Gizonezkoen Arratia A taldeak bana bardindu eban Zamudio A taldearen kontra zapatu arrastian Urbietan jokatutako partidua. Jardunaldi biren ostean Arratia Ak lau puntu ditu eta sailkapenaren goikaldean dago. Datorren partidua etxetik kanpo jokatuko dau Indautxu A taldearen kontra hilaren 7an, arrastiko 17:00etan.
Gizonezkoen B taldeak be bardindu egin eban, 0-0, Usansolon Umore Ona A taldearen kontra zapatu arrastian jokatutako partidua. Jardunaldi biren ostean Arratia Bk puntu bat dauka eta sailkapeneko behekaldean dago. Datorren partidua Urbietan jokatuko dau Urduliz B taldearen kontra hilaren 7an, arrastiko 18:00etan.
Andrazkoen Arratia A taldeak ostera domeka eguerdian jokatu eban San Ignacio taldearen kontra etxetik kanpo eta 1-0 galdu eban. Lau jardunaldiren ostean 6 puntu ditu Arratiak eta 11. postuan dago. Datorren partidua Urbietan jokatuko dau Arratia Ak Mutilvera taldearen kontra hilaren 7an, arrastiko 15:45ean.
Andrazkoen B taldeak, hilaren 8an hasiko dau ligea Basauriko kimuak B taldearen kontra Urbietan, arrastiko 17:45ean.
Lemoako Harrobi
Lemoako Harrobik zapatu arrastian jokatu eban Arlonagusian Orozkoko Atxulaur A taldearen kontra eta 2-3 galdu eban. Jardunaldi biren ostean Lemoako Harrobik ez dauka punturik eta sailkapeneko behekaldean dago. Datorren partidua etxetik kanpo jokatuko dau Berriatuko taldearen kontra hilaren 7an, arrastiko 17:00etan.