Arratia Futbol Klubeko andra eta gizonek, A mailakoak, astegoien honetan hasi dabe denporaldiarrea Urbietan, txapelketa triangelukatu banagaz. Andrazkoek XIII. Euskal Herria Kopako B mailako torneo triangelukatua jokatu eben zapatu goizean, Bizkerre B eta Real Sociedad B taldeen kontra baina ez eben irabaztea lortu (0-3 eta 0-2). Irabazleak, donostiarrak izan ziran partidu biak irabazia (2-1 eta 0-2).
Gizonezkoek barriz, astegoienean zehar jokatu dan XXXV. Igorreko Sarian hartu dabe parte Basconia eta Padura taldeen aurka eta honeek be, partidu biak galdu ebezan (0-6 eta 0-1). Padura eta Basconia, partidu bana irabazita heldu ziran domekako atzen jardunaldira eta 0-0 bardindu ostean, penaltietan irabazi eban Padurak.