Domekan, hilak 23, dira Espainiako Gorteetarako hauteskunde orokorrak. Udal hauteskundeen ostean Estadu mailan PSOE eta Podemos alderdiek behera egin eben eta Pedro Sanchez Espainiako presidenteak, hauteskunde orokorrak aurreratu ebazan. Adituen arabera, Parlamentu zein Senatuan hainbeste jesarleku ez galdu eta bipartidismora hurbilduteko ahalgin bat.
EiTB Focus-ek astelehenean argitaratutako atzen inkestearen arabera, Hego Euskal Herrian PSOEk irabaziko ditu jesarleku gehien, zazpi. Ezker espainolistaren botua batuko dau. Sumar-ek barriz, bat lortuko leuke, 2019an Podemos-ek eskuratutako bietako bat galduta. Euskal alderdiei jagokienez, EAJk jesarleku bat galduko dauala dino EiTB Focus-ek, Bizkaian EH Bilduk lortuko dauana. Beraz, EH Bilduk sei eta EAJk bost leku izango ditue Parlamentuan. Eskuma espainolistan ostera, Vox-ek ez dau diputadurik izango; PPk ostera, lau.
Lau urte atzera eginda, Arratia, Ubide eta Zeberion EAJ eta EH Bildu izan ziran 735 botuko aldeagaz, hurrengoz hurrengo, alderdi bozkatuenak. Inkesten arabera, alde hori txikitzeko aukerea izango dau domekan EH Bilduk. Ostetik, Podemos eta Mas Pais-ek 807 botu lortu ebezan, PSEk 505, PPk 174 eta Vox-ek 75. Abstentzinoa ostera, erroldearen laurden bat baino handiagoa izan zan, %25, 89.
2019ko zemendiaren 10eko Hauteskunde Orokorren emoitzak
| EAJ/PNV | EHBILDU | SUMAR* | PSOE | PP | VOX | abstentzinoa | |
| ARANTZAZU | 80 | 113 | 26+1 | 13 | 1 | 0 | %21,17 |
| AREATZA | 270 | 251 | 51+4 | 48 | 24 | 6 | %24,92 |
| ARTEA | 218 | 167 | 37+4 | 9 | 8 | 4 | %22,11 |
| BEDIA | 319 | 124 | 76 | 46 | 16 | 16 | %29,59 |
| DIMA | 310 | 419 | 60+10 | 11 | 5 | 6 | %26,33 |
| IGORRE | 1.025 | 743 | 164+13 | 160 | 46 | 18 | %29,48 |
| LEMOA | 744 | 552 | 213+11 | 182 | 60 | 20 | %29,58 |
| UBIDE | 22 | 59 | 5 | 5 | 1 | 0 | %29,1 |
| ZEANURI | 370 | 289 | 59 | 13 | 10 | 2 | %23,9 |
| ZEBERIO | 325 | 231 | 73 | 18 | 3 | 3 | %23,68 |
| GUZTIRA | 3.683 | 2.948 | 807 | 505 | 174 | 75 | %25,89 |
*Sumar: Podemos/Ahal dugu eta Mas Pais alderdiaren botuak.