Euskal Herria Bilduk Bizkaiko bost deiadar mendiak (Kolitza, Ganekogorta, Sollube, Oiz eta Gorbeia) igoteko ekitaldia antolatu dau oingo domekarako “Foru eta udal hauteskundeen kanpaina hasi aurreko astegoienean komunidadea aktibetako helburuagaz”.
Ekimen honen bidez auzolanerako deia egingo dabe, "baita EH Bilduren komunidade eta gizarte osoa mobilizetako eta aktibetako be" koalizinoak prensa-oharran adierazotakoaren arabera. “EH Bilduk aurre egiten deutse hauteskunde honeei Bizkaian inozko emaitzarik onenak lortzeako asmoagaz. Pentsetan dogu horretarako baldintzak badagozala eta hori lortzeako esfortzu mobilizatzailerik handiena egin beharko dogula” dinoe.
Deiadar mendiak
Kondairaren arabera, Kolitza, Ganekogorta, Gorbeia, Oiz eta Sollube mendietako tontorretan sua biztu edo adar soinuagaz deitzean zan jentea Bizkaiko Jaurerriko Batzar Nagusietarako.