Gizonezkoen Arratia A
Gizonezkoen Arratia A taldeak zapatu arrastian jokatu eban Urbietan Etxebarri A taldearen kontra eta 2-0 irabazi eban Igorreko taldeak. 24 jardunaldiren ostean Arratia A lidertzan dago 51 puntugaz. Datorren partidua hilaren 18an jokatuko dau etxetik kanpo Sondika A taldearen kontra, arrastiko 17:00etan.
Gizonezkoen Arratia B
A taldearen ostean gizonezkoen Arratia B taldeak jokatu eban zapatu iluntzean Urbietan Atxulaur A taldearen kontra eta bina bardindu eban. 24 jardunaldiren ostean Arratia B bederatzigarren postuan dago 33 puntugaz. Datorren partidua hilaren 18an jokatuko dau etxetik kanpo Loiu A taldearen kontra, arrastiko 16:15ean.
Andrazkoen Arratia A
Domeka eguerdian jokatu eban andrazkoen Arratia A taldeak Pradejon taldearen kontra Urbietan eta 3-0 irabazi eban. 22 jardunaldiren ostean Arratia hamargarren postuan dago 25 puntugaz. Datorren partidua etxetik kanpo jokatuko dau DUX Logroño B taldearen kontra hilaren 18an, arrastiko 16:30ean.
Andrazkoen Arratia B
Domeka arrastian jokatu eban andrazkoen Arratia B taldeak Elorrio B taldearen kontra Urbietan eta 1-0 irabazi eban. 22 jardunaldiren ostean Arratia bosgarren postuan dago 34 puntugaz. Datorren partidua etxetik kanpo jokatuko dau Basauriko Kimuak B taldearen kontra hilaren 19an, 17:00etan.
Lemoako Harrobi
Lemoako Harrobik zapatu arrastian jokatu eban Arlonagusian Loiu A taldearen kontra eta 2-0 irabazi eban. 24 jardunaldiren ostean zazpigarren postuan dago Lemoako taldea 39 puntugaz. Datorren partidua hilaren 18an jokatuko dau etxetik kanpo Gernika Sporting A talde liderraren kontra, arrastiko 16:00etan.
Arratiak kanpusa aprilean
Arratiak Aste Santu aurrerako, aprilak 3, 4 eta 5, futbol kanpusa antolatu dau 2011 eta 2018 artean jaiotako -biak barne- ume eta gazteentzat. Kanpusa goizeko 09:30etik 14:00etara izango da, eta jolasak, urtekerak eta abar egongo dira; izena emoten dabenek 60 euro ordaindu beharko dabez. Izena cdarratia@cdarratia.com eta 688 777 117 eta 94 631 57 04 telefonoetan emon daiteke eta horretarako atzen eguna martiaren 24a izango da.