Martiak 8 da bihar, Emakume Langilearen Nazinoarteko Eguna, eta aurten be Arratia, Ubide eta Zeberioko andra langileek euren aldarrikapenak kalera aterako ditue. Eskualdeko manifestazino nagusia 19:00etan egingo da Igorren, Kultur Etxetik urtenda.
Arratiako Mugimendu Feministak egin dau deialdi orokorra eta manifestazinoaz gainera, hainbat ekintza antolatu dira Arratian, egitarau bateratua osotu dabelarik. Holan tailerrak, ikastaroak, berbaldiak, antzezlanak, bertso-saioak eta umorezko bakarrizketak egingo dira, feminismoaren lanketearen bueltan.
Igorreko manifestazinoa amaitzerakoan, manifestariek batera kantau eta jantzan egiteko koplak be sortu ditu Arratiako Mugimendu Feministak:
Itzaletik urten gara eta
aurrera goaz batera
ahotsak altzau ta borrokatuz
urtengo gara kalera.
Gora andra borrokalari
langile ta artista
alaba ama amama
izan feminista.
Kirolean, zientzian, kulturan
beti gizonen atzean
baia apurke-apurke gu be
bagoaz lekue hartzean.
Gora andra borrokalari
langile ta artista
alaba ama amama
izan feminista.
Amore emon ez zaurien andrak
dire gure ohorea
leku danetan zabaldu daigun
gure zipriztin morea.
Gora andra borrokalari
langile ta artista
slaba ama amama
Izan feminista.