Abenduaren 28an, Jon Maiak Kantu bat gara ikuskizun musikalaren ekitaldi berezia egin eban Donostiako Kursaalean. Ekitaldia zabaltzeko, Maiak Arratiako lau neskato konbidau ebazan eta ikusleek txalo zaparradeagaz jaso ebezan euren bertsoak. "Polita izan zan, eurak be emozionauta urten ziran", azaldu dau Ibon Iza bertso eskolakoak.
Parte hartu daben umeek bi ezaugarri berezi ditue, Maia eta Izaren ustez, euskerearen etorkizuna azaleratuten dabezanak. Izan be, lauren zuztarrak Euskal Herritik kanpo badagoz be, laurak dira euskaldunak. Edozein lekutatik etorrita be, "euskereak alkartzen gaitu, bere inguruan batzean gara beti" azpimarratu dau Izak.
Aitatutako protagonistak Maria Isabela Munteanu, Errumanian jaiotako dimoztarra; Sofia Traore, Malitik etorritako aitadun igorreztarra; Madalha Hafede, Saharako errefujiadue. alaba igorreztarra eta Saida Aharrabous, Marokoko etorkinen alaba billaroztarra dira.