Gizonezkoen Arratia A
Gizonezkoen Arratia A taldeak zapatu arrastian Urbietan jokatu eban Otxarkoaga, bigarren sailkatuaren kontra, eta zazpigarren garaipena jarraian lortu eban 2-0 irabazita. Hamalau jardunaldiren ostean lidertzan dago Arratia A 31 puntugaz. Datorren partidua Gallarta A taldearen kontra jokatuko dau etxetik kanpo urtailaren 7-8ko astegoienean.
Gizonezkoen Arratia B
Arratia Aren partiduaren ostean jokatu eban Arratia B taldeak zapatuan Etxebarri B taldearen kontra eta 1-0 irabazi eban. Arratia B taldearen hasikera eskasaren ostean bost partidu jarraian irabazi ditu. Hamalau jardunaldiren ostean bederatzigarren postuan dago Arratia B 20 puntugaz. Datorren partidua Amorebieta B liderraren kontra jokatuko dau Urbietan urtailaren 7-8ko astegoienean.
Andrazkoen Arratia A
Domeka eguerdian jokatu eban Arratia A taldeak Eibar B taldearen kontra eta 1-2 galdu eban Urbietan. Hamahiru jardunaldiren ostean Arratia A hamahirugarren postuan dago 11 puntugaz. Datorren partidua Tolosaren kontra jokatuko dau urtailaren 7-8ko astegoienean etxetik kanpo.
Andrazkoen Arratia B
Domeka arrastian jokatu eban andrazkoen bigarren taldeak Igorreko Urbieta zelaian Ariz taldearen kontra eta 3-2 irabazi eban etxeko taldeak. Hamabi jardunaldiren ostean laugarren postuan dago Arratia B taldea 21 puntugaz. Datorren partidua urte barriko lehen astegoienean jokatuko dau Bizkeneskak taldearen kontra barriro etxean.
Lemoako Harrobi
Zapatu arrastian jokatu eban Lemoako Harrobik lidertzan dagoan Amorebieta B taldearen kontra eta Arratia Bgaz galdu ostean bere bigarren partidua jarraian galdu eban Zornotzan, 2-0. Hamalau jardunaldiren ostean Lemoako Harrobi bosgarren postura bajatu da eta 27 puntu ditu. Datorren partidua urte barriko lehen astegoienean jokatuko dau Arlonagusian Ezkurdi A taldearen kontra.