Pantailak Euskaraz ekimenak Disney+, Netflix, Youtube eta zinemetan euskerazko edukiak buztartzen dauz eta udarako, ekimen parte-hartzaile bat ipini eban martxan: argazki lehiaketea. Urri lehenengoaren 11ra arte, alkartearen kamisetea jantzita oporretako argazkiak Twitter, Facebook eta Instagramen argitaratzera animau dabe jentea. Parte-hartze handia egon dala-ta luzatu eben epea.
Argazkiagaz batera, @pantailakeus eta @pantailakeuskaraz aitatu eta #pantailakeuskaraz traola idatzita egongo da zozketan parte hartzeako aukerea. Zozketako sarien artean Tinko Euskara Elkarteak emondako euskeraz konfigurautako telefono mobikor bat, Elkarren 50 euroko kultur-bonoa eta Garena txakolinaren kutxa bat egongo dira, baina badagoz beste opari sorpresa ugari be.