Arrasate-Udalatx mendi-lasteketako seigarren edizino hau izan da oin arteko edizino arinena. Gizonezkoen eta andrazkoen errekorrak hobetu ditue. Oihana Azkorbebeitiaren errekorra -2:11:06- Onditz Iturbe igorreztarrak gainditu dau ibildideko 21 kilometroetan 2:07:32ko denporea eginda. Asier Larruzeak lortutako errekorra barriz -1:47:37- Elorrioko Gontzal Murgoitiok hobetu dau 15 segundotan.
Iturbe ez da arratiar irabazle bakarra izan. Izan be, beteranoen mailan, Unai Intxaurraga zeanuriztarra izan da arinena.
