EPELen Binakako Txapelketearen lehenengo fasean lan parebakoa egin ostean konplikau jakie Danel Elezkano eta Jose Javier Zabaletari bigarren bueltea. Lehenengoan zazpitik sei irabazi ostean, atzen biak galdu ditue. Zapatu honetan Jokin Altuna eta Julen Martijaren aurka lehiatu dira Iruñan eta 22-13 galdu dabe.
Halanda be, sailkapen orokorrean lider jarraitzen dabe, hamar partidutik zazpi irabazita. Baina txapelketako ligaxka fasea estu-estu dago lehenengo postuetan. Izan be, atzetik dagoz sei partidu irabazita Laso-Imaz, Irribarria-Rezusta eta Altuna III-Martija bikoteak.
Hurrengo jardunaldian honeetako bikote baten kontra jokatuko dau Dimako pelotariak, sailkapena estuago ipini ahalko da. Laso eta Imazegaz neurtuko dira Iruñan urtailaren 30ean.
Promozino mailan
Oier Etxebarria igorreztarra be badabil binakako txapelketan, promozino mailan. Zabalagaz batera lau partidu irabazi ditue hamar jardunalditan, bosgarrenak dira sailkapen orokorrean. Atzen partidua Victor eta Gaskueren kontra jokatu dabe Bilbon, eta 22-14 galdu.
Hurrengoan Alberdi eta Uriondogaz lehiatuko dira Etxebarrin, hilaren 30ean.