Arratia Motor Taldeko kideak zapatu goizean batuko dira, Igorreko Kultur Etxean 10:00etan. Motorrak hartuta Arratiako herriak bisitauko dabez 12:00ak arte. Diman egingo dabe pintxo-potea, Baltzola Jatetxean. Gero hartuko dabe barriro Igorrerako bidea, Kiñu Gaztetxe alboko landan, aire zabalean egingo dabe parrilladea. Tripak beteta, bazkalostean Suger talde dimoztarrak girotuko deutsee arrastia.
Arratia Motor Taldeko kide dan Manu Salvadorrek adierazo dauanez, hau "ez da egin gurako geunken konzentrazinoa". Izan be, COVID-19aren kontrako neurriak dirala eta aforo murriztua mantenidu beharko dabe, 100 personakoa gehienez.