Benja Irusta Oriz (Areatza, 1974) aukeratu dabe Areatzako jeltzaleek maiatzean egingo diran Udal Hauteskundeetan alkategai izateko. EAJ-PNVtik adierazo dabe “bere ibilbide profesionala eta kudeaketan daukan esperientzia” izango dituala oinarri, ardura barriagaz ekiteko.
Irustak barriz, gogotsu dagoala adierazo dau: “Ilusino handiaz hartzean dot hautagaitzea, baina baita dakarren erantzukizunagaz be; lan handia dogu aurretik eta egiteko gogoz”. Alkatetzea lortzean badau Irustaren lehentasunen artean, etxebizitza eskuratzeko aukerak erraztea, udal-zerbitzuak hobetutea eta herritarren eguneroko beharrei erantzutea egongo dirala adierazo dau alkategaiak.