Ikuskizuna bagilaren 23an egitekoa zan, baina egun haretan beroa zala-ta alarma gorria ezarri zan eta hainbat jarduera bertan behera gelditu ziran. Horreen artean egozan San Juan suak eta Bitsa konpainiak Areatzan eskaini behar eban antzezlana. Haritik tiraka ikuskizuna eguenean, hilak 20, egongo da ikusgai Areatzako Gudarien Plazan.
Haritik tiraka lanak euskerazko ikuskizun onenaren saria jaso eban Leioako Umore Azokan. Kale-antzerkiak narrazinoa, objektuen erabilerea eta biolontxeloaren zuzeneko musikea buztartuten ditu. “Egunkarietan agertuko ez diran personei izena eta ekintzei balioa ipinten deutsen antzezlana ikusteko prest bazagoz, egizu haritik tira!”, animetan dau konpainiak.