Eskaintzearen barruan, eskulanak, crossfita, zumba, spinninga, pilatesa, mantenimendu gimnasia, puntua eta kakorratza, euskal jantzak, ehoziri lanak, joskintza, luzaketak eta yoga egongo dira. Ume eta gazteentzako xake eta jantza moderno ikastaroak be antolatu dira.
Ume eta gazteentzako eskaintzeari jagokonez, xake ikastaroa 7 eta 12 urte bitartekoentzat izango da; jantza modernoa, barriz, 12 eta 18 urte de bitartekoentzat.
Ikastaroak urri bigarrenean hasi eta bagilaren 17ra arte luzatuko dira. Taldeak osotzeko gitxienez hamar lagunek emon beharko dabe izena eta Areatzan erroldatutakoek lehentasuna izango dabe. Plaza kopurua baino eskaera gehiago egon ezkero, aukeraketea zozketa bidez egingo da.
Izen-emotea urri lehenengoaren 1etik 16ra egin ahal izango da udaletxean, 08:00retatik 15:00etara; astelehenetan, gainera, 15:30etik 17:30era be bai. Internet bidez be emon ahal izango da izena, labur.eus/ikastaroak26-27 helbidean.